ناقتـي ياناقـتـي لاربــاع ولاسـديـسوصليني لابتي مـن وراء هـاك الطعـوس
حائل(ن) رابع سنه من خيار العيس عيـسخفهـا لادرهمـت كنـه بالنـار محسـوس
في دجى خالي خـلا لاحسيـس ولانسيـستنوخذ من شـدة البـرد طقطقـة الظـروس
في عيوني يكفخ الطيـر ويطيـح الفريـسوانتهض جساس من دون خالتـه البسـوس
وفي خفوقي فرخ جنية(ن) يضرس ضريـسيوم اوردها هجوس(ن)واصدرهـا هجـوس
ديرتي دار ابن ضاري وابن غثلـم جريـسديرة اللي دوجوا فـي فيافـي نجـد جـوس
ديرتـي يابنـت شيخ(ن)ومعدنهـا نفـيـسعيطموس(ن) دونهـا دثرتنـي عيطمـوس
جادلاً مطرق جسدها مـع الغربـي يميـسطينة(ن) من تربة الخلـد والـدم محمـوس
نقشت خمس(ن) من الخمس في يوم الخميسليـت شعـري مـا ارادت بهـذا دختنـوس
كـم تمنـا إن معـه مثلهـا فتنـه بلـيـسكان يمكن قد قلـب نصـف إمتنـا مجـوس
كن دماث الصدر منهـا كنيسـه او كنيـسصومعة رهبان ديـن(ن) يـؤدون الطقـوس
آتقـوس مـع تقـوس نواهدهـا وإقـيـسقبتين(ن) قاب قوسين قوس(ن) جنب قـوس
خصرها يحكي لنـا واقـع القـوم التعيـسوردفها عن غطرسة بـوش يعطينـا دروس
وبالرغم من قصرهـا مايجالسهـا جليـستصبح أطول نسوة الارض في وضع الجلوس
العروسه ماتبي غير ابـو تركـي عريـسالعروسه نجـد ماهيـب حـي الله عـروس
نجد بنت المجـد ونسـة مونسـة الونيـسماعسفها الا معزي ضحى اليـوم العبـوس
كل اهل نجد هلي من إجاء حتـى الخميـسفي ذراهم بالتجي عـن مجففـة الرسـوس
وعيشتي مابين أسود(ن) ولو مانـي رئيـس(خير من كوني رئيس(ن) على شلقة تيوس)
وليس عيباً إن خدعني بمكـره كـل هيـسلان مايفهـم بمكـر الهيـوس الا الهيـوس
مصطفى فـي مأدبـة عمـه البابـا لويـسكبر اللقمه تحـت ضـؤ حمـراء الكـؤوس
وطسم حدتها على حائـط المبكـى جديـسيـوم شقـت ثوبهـا بنـت عفـار شمـوس
سيدة هـاك القصـر أسمهـا الاول لميـسدونها سمر الحناجـر بترهـا حـد مـوس
قسقسـة لاحرارهم.قيس.قيس.قيس.قـيـسوالبستهـم مـن مهانتهـم انـواع اللبـوس
بين خدعة كعب اخيل(ن) ومولـد ادونيـسدرسونـا الالهـه والمـدرس هـنـا روس
ويش لاقوا من قناة السويس اهـل السويـسوويش لاقوا من تلمسان قوماً مـن سنـوس
كلهم من شـدة الجـوع راحـوا خندريـسبين غيبوبة مخدر وصحـوة عـرق سـوس
ثورة(ن) راحـوا سببهـا بتـوع الاتوبيـسوش نبي فيها وهـي ماتهـز الا الغـروس
آفة المرء اثنتان الف كـاس وحـب كيـسوالنفوس اليا بغيـت اتعرفهـا ارم الفلـوس
ينكشف زيف الشعارات الى حمي الوطيـسترجع الاذناب إذناب وتبقـى الـروس روس
صدق لاقال العرب مايحوص الا الخسيـسولايوط الروس شئياً مثل ضعـف النفـوس
